دژە ئاژاوە خۆپیشاندەریگ لە واسیت تلنێد و کوشێدەی.. وێنە

شەفەق نیوز/ سەرچەوەیگ پزشکی، ئمڕوو شەممە، خەوەردا لە کوشتن خۆپیشاندەریگ وە ماشینیگ سەروە هێزەیل دژە ئاژاوە تلیا لە پارێزگای واسیت.

سەرچەوەگە ئەرا ئاژانس شەفەق نیوز وت: یەکیگ لە خۆپیشاندانەگان لە خەسەخانە مرد، دویای تلاننی لەلایەن ماشین هێزەیل دژە ئاژاوە لە شار کوت ناوەند پارێزگای واسیت.

سەرچەوەگە وتیش: خۆپیشاندەریگ تر لە شار کوت ئمڕوو شەممە مرد دویای خوەی سزانن  لە ناڕەزایەتیی لەبان هاتن هێزەیل دژە ئاژاوە ئەرا ناو مەیدان مانگگردنەگان لە کوت، و لاوردن چادرەیل.