خيزانيگ وه ته‌واوى له شار سه‌در له‌ئه‌نجام تويشهاتنيان وه كۆرۆنا كه‌ره‌نتين كريان
2020-03-26T19:23:59+00:00
شه‌فه‌ق نيوز/ سه‌رچه‌وه‌يگ ناوچه‌يى باس له كه‌ره‌نتين كردن خيزانيگ وه ته‌واوى كرد له‌شار سه‌در له به‌غدا دوياى تويشهاتنيان وه ڤايرۆس كۆرۆنا.
سه‌رچه‌وه‌گه له‌لێدوانيگ تايبه‌ت ئه‌را شه‌فه‌ق نيوز وت: كادره‌يل وه‌زاره‌ت ته‌ندروستى وه پشتگيرى پۆليس خيزانيگ په‌نج كه‌سى له ماڵه‌گه‌ى خوه‌يان له قه‌تاع 33 له‌شار سه‌در بردنه ئه‌را نه‌خوه‌شخانه‌ى ئبن خه‌تيب و كه‌ره‌نتين كريانه.
سه‌رچه‌وه‌گه هه‌ميش وت: ئى گامه دوياى ئه‌وه هات ك گشت ئه‌ندامه‌يل ئه‌و خيزانه تويش ڤايرۆس كۆرۆنا هاتنه.
