خوه‌ينيشانده‌ره‌يل ناو نه‌خوه‌شخانه‌ى ئه‌لحه‌كيم له نه‌جه‌ف ئاڵشت كردن
2019-11-30T17:43:17+00:00
شه‌فه‌ق نيوز/ خوه‌ينيشنده‌ره‌يل تويڕه، ناو نه‌خوه‌شخانه‌ى ئه‌لحه‌كيم له شار نه‌جه‌ف ئاڵشت كردن ئه‌را نه‌خوه‌شدانه‌ى "ئه‌لشوهه‌دا".
خوه‌ينيشانده‌ره‌يل ئه‌و لافيته‌يليشه لاوردن ك وه‌ناو "نه‌خوه‌شخانه‌ى گشتى ئه‌لحه‌كيم" بوى و ئاڵشتى كردن ئه‌را "نه‌خوه‌شخانه‌ى گشتى ئه‌لشوهه‌دا".
يه‌يش له‌وه‌ختيگ حكومه‌ت ناوچه‌يى له پاريزگاى نه‌جه‌ف ئاشكراى پشوو فه‌رمى كرد ئه‌را سوو يه‌كشه‌ممه له‌گه‌شت ده‌زگايه‌يل ته‌نيا ده‌زگايه‌يل ئه‌منى و خزمه‌تگوزارى و ته‌ندروسى له‌لى بترازيه‌ێد، ئه‌ويش وه بوونه‌ى ماته‌مينى ئه‌را گيان قوربانيه‌يل شاره‌گه له خوه‌ينيشانده‌ره‌يل.
