خوهينيشاندهرهيل راسپاردن عهلاوى ئهرا سهرۆكايهتى حكومهت رهتهو ئهكهن
![خوهينيشاندهرهيل راسپاردن عهلاوى ئهرا سهرۆكايهتى حكومهت رهتهو ئهكهن](https://media.shafaq.com/media/ii2dpif0/58d4c7a1c36188bc528b457d.jpg)
شهفهق نيوز/ خوهينيشاندهرهيل له پاريزگايهيل جياجياى عراق راسپاردن محهمهد تهوفيق عهلاوى ئهرا پۆست سهرۆكايهتى حكومهت ناوهندى لهشوون عادل عهبدولمههدى رهتهو ئهكهن.
له بهياننامهيگ ك لهلايهن خوهينيشاندهرهيل مهيدان تهحرير و گشت خوهينيشاندهرهيل له بهغدا دهرچيه، لهتى كانديدكردن عهلاوى وه تهواوى ئهرا پۆست سهرۆكايهتى حكومهت رهتهو ئهكهن.
جى باسه, خوهينشاندهرهيل له بهياننامهگه وتن: عهلاوى فريه دويره له خواست ئيمهو بهرعهكس ئهو خاڵهيلهسه ك رهوانهى كرديمنه ئهرا سهرۆك كۆمار لهبارهى كانديدكردن كهسايهتييگ و مهسهلهگه گرژترهو ئهدێ ئهگهر مكوڕى بكريهێد لهبان ههڵوژاردنى.