خوه‌ينيشانده‌ره‌يل به‌سره داواى ئازادكردن گيرياگه‌يل ئه‌كه‌ن
شه‌فه‌ق نيوز/ شماره‌يگ له خوه‌ينيشانده‌ره‌يل له به‌سره، داواى ئازادكردن ئه‌و خوه‌ينشانده‌ره‌يله ئه‌كه‌ن ك دويه‌كه له‌وه‌رده‌م نويسينگه‌ى په‌رله‌مان عراقى له پاريزگاگه خوه‌ينيشانداينيگ ئه‌نجام دان.
له‌ى باوه‌ته‌و، په‌يامنێر شه‌فه‌ق نيوز وت: ده‌يان خوه‌ينيشانده‌ر روێ له باڵه‌خانه‌ى سه‌ركردايه‌تى پۆليس به‌سره كردنه‌و داواى ئازادكردن ئه‌و گيرياگه‌يله كردنه ك دويه‌كه له‌لايه‌ن ده‌سڵاته‌يله‌و ده‌سگير كريان له‌وه‌ختيگ ناكووكى وه‌ل هيزه‌يل دژه پشيوى و فه‌وجه‌يل ته‌وارى له نزيك باڵه‌خانه‌ى نويسينگه‌ى ئه‌نجومه‌ن نوێنه‌ره‌يل له ناوچه‌ى ئه‌لعه‌شار له‌ناوڕاس پاريزگاگه.
جى باسه، خوه‌ينيشانده‌ره‌يل داواى ده‌سله‌كاركيشانه‌وه‌ى حكومه‌ت ناوچه‌يى و سه‌ركرده‌يل ئه‌منيش كردن ك ده‌سدريژى كردنه‌سه بان خوه‌ينيشانده‌ره‌يل له‌وه‌خت ئه‌نجامداين خوه‌ينيشانداين ك زوورميان تويش ته‌نگه‌نه‌فه‌سى هاتنه دوياى روێ وه‌ڕوێ بوينه‌وه وه‌ل هيزه‌يل ئه‌منى.
