خوه‌ينيشانداين له به‌سره دوباره ده‌سوه‌پيكرد و وشدارى له "ئاشووگه‌رى" دريه‌ێد
2020-06-13T20:04:00+00:00
شه‌فه‌ق نيوز/ هه‌زاران خوه‌ينيشانده‌ر له به‌سره دوباره داوه‌زينه ناو جاده‌يل شاره‌گه له‌ناو داواى ده‌سله‌كاركيشانه‌وه‌ى ئه‌سعه‌د عيدانى پاريزگار و ره‌شيد فله‌يح فه‌رمانده‌ى پۆليس ئه‌كه‌ن، ئه‌ويش له وه‌ختيگ ك رێ و شوونه‌يل ئه‌منى تونيگ گيرياسه وه‌ر له‌باره‌ى مه‌ترسى له ئاشووگه‌رى.
له‌ى باوه‌ته‌و، سه‌رچه‌وه‌يگ ئه‌منى ئه‌را ئاژانس شه‌فه‌ق نيوز وت: ده‌سڵاته‌يل ئه‌منى زانيارى هه‌واڵگرى كه‌فته‌سه ده‌سيان له‌باره‌ى ئه‌وه‌گ كه‌سه‌يليگ هاندرياێ خوه‌يان خزاننه‌سه ناو خوه‌ينيشانده‌ره‌يل ئه‌را دروسكردن ئاشووگه‌رى.
جى باسه، خوه‌ينيشانده‌ره‌يل داواى لاوردن ئه‌سعه‌د عيدانى پاريزگار و ره‌شيد فله‌يح فه‌رمانده‌ى پۆليس و ئاڵشتكردن وه‌ريه‌وبه‌ره‌يل له ده‌زگايه‌يل ده‌وڵه‌ت ئه‌كه‌ن.
