خورماتوو دوياى زيايبوين حاڵه‌ته‌يل تويشبوين وه كۆرۆنا وه ته‌واوى داخريا
2020-05-25T11:43:17+00:00
شه‌فه‌ق نيوز/ شانه‌ى قه‌يران له قه‌زاى خورماتوو سه‌ر وه پاريزگاى سه‌ڵاحه‌دين، بڕيار دا قه‌زاگه وه ته‌واوى ئه‌را ماوه‌ى 48 سه‌عات دابخريه‌ێد، ئه‌ويش له‌وه‌ر زيايبوين حاڵه‌ته‌يل تويشبوين وه ڤايرۆس كۆرۆنا.
له‌ى باوه‌ته‌و شانه‌ى قه‌يران له به‌ياننامه‌يگ ئه‌را ئاژانس شه‌فه‌ق نيوز ئه‌وه ده‌رخست ك سه‌رۆكه‌گه‌ى دانيشتنيگ وه‌ل وه‌ڕيه‌وبه‌ره‌يل ده‌زگايه‌يل خزمه‌تگوزارى و ئه‌منى ئه‌نجام داگه له‌وه‌ر تاوتويكردن بارودوخ ته‌ندروستى دوياى زيايبوين حاڵه‌ته‌يل تويشبوين وه كۆرۆنا له‌ناو قه‌زاگه.
جى باسه، به‌ياننامه‌گه وت: له‌و دانيشنه بڕيار درياگه قه‌زاگه ئه‌را ماوه‌ى 48 سه‌عات وه ته‌واوى دابخريه‌ێد وه‌ل هه‌ردوگ ده‌روازه‌ى باكوور و باشوورى و گشت بازاڕ و دوكان و نانه‌واخانه‌يلى.
