خوەیکوشتن ئەندامیگ ئەمنی و کوشیان ئەندامیگ ترەک وەدەس کوڕەگەی
2024-05-18T13:28:21+00:00
شەفەق نیوز/ سەرچەوەیگ لە پولیس عراق، ئمڕوو شەممە، خەوەردا لە کوشیان کەسیگ ئەندام لە وەزارەت ناوخۆی عراق وەدەس کوڕ ناخاڵەی کە چەک حکومەتی قوربانیەگە وەکار هاوردیە، ئەوەیش لە باکوور بەغدای پایتەخت.
سەرچەوەگە ئەرا ئاژانس شەفەق نیوز وت: هیزەیل ئەمنی ئاگاداری لە تاوان کوشتن لە ناوچەی حسێنیە باکوور بەغداد ئەرایان رەسیە، کە دەرکەفت هاوڵاتییگ وەناو (هـ، ص، هـ، ع) لەداڵگبوی ساڵ 1984، کە ئەندامە لە وەزارەت ناوخۆ لە بارەگای ئاسایش فیدراڵی کار کەێد، وەدەس کوڕەگەی وەناو (أ، هـ، ص، هـ) لەداڵگبوی ساڵ 2009 کوشیاس.
سەرچەوەگە دیاری کرد کە کوڕەگە وە چەک قوربانیەگە، (دەوانچەی کلۆک) باوگ خوەی کوشتیە، وتیش: دویای دەمەقاڵیگ خیزانی و رەفتار تون وەلایەن باوگەگە کە نەیشتیە تاقیکردنەوەیل خوەنەوارەی ئەنجام بیەێد رەسیەسە ئی رویداوە.
لە رویداویگ ترەک، سەرچەوەگە باس خوەیکوشتن مفوەزیگ لەەفیرقەی یەکەم پولیس فیدراڵی لە شوین ئەرکەگەی لە ناوچەی جسر دیالە تەقە خوەی کردگە و خوەی کوشتیە، و هوکار خوەیکوشتنی نادیارە.
