خوەیکوشتن ئەندامیگ ئەمنی لەناو بارەگایگ پۆلیس لە بەغداد
2021-03-22T13:55:39+00:00
شەفەق نیوز/ ئەندامیگ ئەمنی، ئمڕوو دووشەممە، لەناو بارەگایگ پۆلیس فیدڕاڵی، لەناوچەی کازمیە لە بەغداد، خوەی کوشت.
سەرچەوەیگ ئەمنی خەوەردا ئاژانس شەفەق نیوز ک ئەندامەگە وەشیوەی موفوەز کار کەێدر لەناو بارەگای پۆلیس فیدڕاڵی لە ناوچەی کازمیە گولە لەخوەی دا.
وتیش؛ لایەنە پەیوەندیدارەکان لێکۆڵینەوەیگ لە رووداوەگە کردنەو ئەرا زانستن هاندەرەیل خوەیکوشتنەگە ک هیمان تا ئیسە نادیارن.
