خوەیکوشتن ژنیگ لە بەغداد و پەیاکردن تەرمیگ لە دیالە
شەفەق نیوز/ سەرچەوەیگ ئەمنی لە بەغداد، ئمڕوو پەنجشەممە، خەوەردا ک خەڵک کۆمەڵگای بەسمایە ئاگاداری لە تەرمیگ دان مەزەنە کریەێد خوەی لەبان تەلایگ خستیەسە خوار، و هێزە ئەمنییەیلە تەرم پیاویگ کوشیای لە دیالە پەیا کردن.
سەرچەوەگە ئەرا ئاژانس شەفەق نیوز وت: خەڵک بلۆک400A لە کۆمەڵگای بەسمایە باشوور خوەڕئاوای بەغدا نیشان تەرم ژنێگ کردن مەزەنە کریەێد خوەی لەو تەلارە فرە دایگە لە ناوی ژییەد.
ودیاری کرد تەرمەگە ناردن بەش پزشک دادوەری ئەرا تەواوکردن رێکارەێل یاسایی و ڵێکۆڵینەوە وازکریا ئەرا وەداچین لە باوەتەگە " دیاری نییە ژنەگە خوەیکوشتییە یان تاوانێگ وەیجورە هەیە لە باوەتەگە.
هەروەها سەرچەوەیەگی ئەمنی لە دیالە ئەرا ئاژانس شەفەق نیوز ، راگەیانه هێزەێل ئەمنی تەرم کابراێگ پەیاکردنە لە داڵگبووی 1971 دانشتووی ناحیەی هبهبە 9کم باشوور خوەڕاوا بەعقوبە، لە نزیک کۆمەڵگەی نیشتەجێبوون ناتەواوێگ لە دەوروبەر قەزای خاڵس 15 کم باکور خوەرهەڵات بەعقوبە کوشیایە.
و دیاری کرد شوین گولە لە چەن شوینێگ لە لەش قوربانیەگە بوویە ، وەرەو بەش پزیشک دادەوەری ئەرا تەواوکردن رێکارە یاسایێلە بریا. سەرچەوەگە وت دەسەڵاتدار ئەمنی ڵێکۆلینەوە واز کرد ئەرا ئاشکەراکردن چۆنیەتی رویداوەگە.
