خوەیکوشتن دویەم کوڕ لە بەغدا لەماوەی چەن ساعەتیگ

شەفەق نیوز/ سەرچەوەیگ ئەمنی، ئمڕوو دووشەممە، خەوەردا لە خوەیکوشتن کوڕیگ لەناوماڵیان لە یەکیگ لە کویچەل بەغدای پایتەخت، ک یە دویەم رویداوە لەماوەی چەن ساعەتیگ.

سەرچەوەگە وە ئاژانس شەفەق نیوز وت، کوڕیگ لە داڵگبوی 2006 ئمڕوو خوەیکوشتیە وە هەلواسین خوەی وە پەت لەناو ماڵ خوەیان لەناوچەی سەبع قسور لە خوەرهەڵات بەغدای پایتەخت.

سەرچەوەگە وتیش، کەسوکاری وتنەس بیماری دەروینی داشتیە، دیاریکرد لیکۆلینەوە وازکریایە و تەرمەگەی ئەرا پزیشک دادوەری کلکریاس.

دویەشەو سەرچەوەیگ ئەمنی وە ئاژانس شەفەق نیوز خەوەردا کوڕیگ لە داڵگبوی 2007 خوەیکوشتیە لەری هەلواسین خوەی وە پەت لەناوماڵ لەناوچەی کریعات لە بەغدای پایتەخت، دووپاتکرد هووکار خوەیکوشتنەگەی نەزانریاگە.