خوەیکوشتن دو کەس و دەسگیرکردن چوار برای بازگان هوشبەری لە زیقار

شەفەق نیوز/ سەرچەوەیگ ئەمنی لە زیقار، ئمڕوو سێشەممە،خەوەردا شمارەیگ رویداو ئەمنی لە پارێزگاگە توومارکریاگە لە مابەینیان دوو خوەیکوشتن و دەسگیرکردن 4 برا ک توومەتبارن وە بازرگانی هوشبەر.

 سەرچەوەگە وە ئاژانس شەفەق نیوز وت، " هێزەیل ئەمنی هەڵکوتانە بان ماڵیگ و 5 کەس دەسگیرکردنە ک 4یان بران لە یەکیگ لە کویچەیل شار ناسریە، وتیش،"گەنجیگ بیس ساڵان مردیە هەنای خوەی فرێدایەس ناو ئاو فورات لە قەزای بەتحا خوەرهەڵات پارێزگاگە".

وتیش، " خانەنشینیگ شەشت ساڵان خوەی کوشتیە لەری تەقەکردن لە خوەی لە ناو ماڵەگەی لەناحیەی فەزیلە باشوور پارێزگاگە"، دیاریکرد " هوکار خوەیکوشتنەگەی تا ئیسە لە لای هیزەیل ئەمنی نادیارە".