خوەیکوشتن دویەتیگ ناخاڵە وە "ژەهر مویش" و دەسگیرکردن توومەتبار کوشتن سەربازیگ عراقی لە دیالە
2024-09-07T14:57:32+00:00
شەفەق نیوز/ سەرچەوەیگ ئەمنی، ئمڕوو شەممە، خەوەردا لە خوەیکوشتن دویەتیگ ناخاڵە وە " ژەهر مویش" و دەسگیرکردن توومەتبار کوشتن سەربازیگ عراقی لە پارێزگای دیالە.
سەرچەوەگە وە ئاژانس شەفەق نیوز وت "دویەتیگ لەداڵگبوی 2009وە خواردن دەرمان مێروو کوش بان زەوی کشاوەرزی خوەیکوشتیە لەناو ماڵ خوەیان لەوەر گیچەڵ دەروینی لە قەزای مەنسوڕیە لە باکوور خوەرهەڵات دیالە".
سەرچەوەگەدیاریکرد "توومەتباریگ دەسگیرکریا کە سەربازیگ لە سووپا نزیک ماڵ خوەیان وەرجە چەن ساعەتیگ کوشتیە لە ناوچەی سەراجق لە ناحیەی سەلام قەزای خاڵس باکوور دیالە".
سەرچەوەگە وتیش "توومەتبار دان وە تاوان کوشتنەگەدانیەی کە لەوەر گیچەڵیگ خێزانی کوەینە بویە.
