خوەیکوشتن دویەتیگ لە بەغداد
2022-04-17T07:29:41+00:00
شەفەق نیوز/ سەرچەوەیگ ئەمنی، ئمڕوو یەکشەممە، خەوەردا لە خوەیکوشتن دویەتیگ لەداڵگبوی ساڵ ٢٠٠٥ لە ناحیەی نەهرەوان باشوور خوەرهەڵات بەغدای پایتەخت.
سەرچەوەگە ئەرا ئاژانس شەفەق نیوز وت: دویەتیگ لەداڵگبوی ساڵ ٢٠٠٥ لەناو ماڵەگەی لە ناحیەی نەهرەوان سەروە قەزای مەدائین ژەهرخوەر خوەی کرد، و خوەی کوشت.
وتیش؛ دویەتەگە بریا خەسەخانەی شێخ زاید و کەسوکارەیلی سکاڵا لەبان شویەگەی توومار کردن.
