خوەیکوشتن دویەتیگ بیمار وە شێرپەنجە لە زیقار
![خوەیکوشتن دویەتیگ بیمار وە شێرپەنجە لە زیقار](https://media.shafaq.com/media/arcella/1709980788818.jpeg)
2024-03-09T10:40:08+00:00
شەفەق نیوز/ سەرچەوەیگ ئەمنی، ئمڕوو شەممە، خەوەردا لە خوەیکوشتن دویەتیگ بیمار وە شێرپەنجە لە بان خەسەخانەی حوسەین ناوڕاس شار ناسریە ناوەن پارێزگای زیقار.
سەرچەوەگە ئەرا ئاژانس شەفەق نیوز وت: دویەتیگ لەناو تەمەن بیس ساڵان، خوەی لە قات پەنجەم لە خەسەخانەی حوسەین ناوڕاس شار ناسریە خوەی خستە خوار و خوەیکوشتن، و دیاری کرد کە دویەتەگە تویش بیماری شێرپەنجە هاتگە، و تویش گیچەڵ دەروینی بویە لەی ماوەی گوزەشتە.
لەلاییگ ترەک، سەرچەوەگە دیاری کرد کە دویەتیگ خوەنەوار لەناو ماڵەگەی لە قەزای بەتحا وە پەتیگ خوەی دادە سێدارە وەبی زانستن مدوو خوەیکوشتنی، کە تەرمەگەی ئەرا پزشک دادوەری بردن و لێکۆڵینەوە لە رویداوەگە واز کریا.