خوەڵوتووز و بەرزەوبوین گەرمی.. کەشوهەوای عراق لەی چوار رووژ بانانە
2023-07-12T09:05:48+00:00
شەفەق نیوز/ دەسەی کەشناسی عراق، ئمڕوو چوارشەممە، مەزەنەی کەشوهەوای وڵاتەگە لەی رووژەیل بانانە بڵاو کرد، و باس هەڵسان خوەڵوتووز و بەرزەوبوین پلەی گەرمی کرد.
دەسەگە لە بەیاننامەیگ رەسیە ئاژانس شەفەق نیوز وت: کەشوهەوای وڵاتەکە لە سوو پەنجشەممە، لە گشت ناوچەیل وڵاتەگە رووشنە، و واگە باکووریە تونیەگەی رەسێدە ٢٠-٣٠ کم/س، خوەڵوتووز سووکیگ لە بەشیگ لە شوینەیل ناوچەیل ناوڕاس و باشوور هەڵکەێد، و پلەی گەرمی لە بەشەیل ناوڕاس کەمیگ بەرزەو بوود، و لە باکوور چەن پلەیگ بەرزەو بوود، و لە باشوور نزیک رووژ وەرجە خوەیە.
وتیش؛ رووژ جمعە، لە گشت ناوچەیل وڵاتەگە رووشنە، و پلەی گەرمی لە بەشەیل ناوڕاس و باشوور کەمیگ بەرزەو بوود، و لە بەش باکوور نزیک رووژ وەرجە خوەیە.
دەسەگە وتیش؛ کەشوهەوای وڵاتەگە لە رووژەیب شەممە و یەکشەممەی ئایندە، لە گشت وڵاتەگە گەرمە و پلەی گەرمی نزیک رووژ وەرجە خوەیە.
