خوەڵوتوزەگە بۆرسەی بەغدا بەسێد و نرخ دۆلار لە هەولێر داوەزێد

شەفەق نیوز/ بۆڕسەی سەرەکی لە بەغدای پایتەخت، ئمڕوو دوشەممە لەوەر خوەڵ و توز بەسیا، و نرخ دۆلار لە هەرێم کوردستان داوەزین وەخوەی دی.  

پەیامنێر ئاژانس شەفەق نیوز وت: بۆڕسەی کیفاح و حارسیەی ناوەندی ئمڕوو،  دەرەیلیان بەسیا  لەوەر شەپووڵ خوەڵوارین دەسڵاتدارەیل دەوام فەرمی پەکخستن.

پەیامنێرەگەمان ئاماژە کرد ک نرخ فرووشتن و سەنەین لە بازاڕە ناوخۆیەیل بەغداد پایتەخت جیگیرە ک نرخ فرووشتن رەسیە 148500 دینار عراقی، ونرخ سەنین رەسیە 147500 دینار وەرانوەر 100دۆلار ئەمریکی.  

لە هەولێر پایتەخت هەرێم کوردستانیش، نرخ دۆلار داوەزین وە خوەی دی، ک نرخ فروشتن رەسیە 148200 دینار عراقی و نرخ سەنین رەسیە 148000 دینار عراقی لە وەرانوەر 100 دۆڵار ئەمریکی.