خوەڵواران گەشتەیل فرۆکەخانەی ئیران ئەرا نەجەف و فرۆکەیگ هندی لە بەسرە وسێد

شەفەق نیوز/ گەردەلویلیگ خوەلواران لە شەوەکی ئمروو دووشەممە دەێد لە عراق، بوودە هووکار پەکخستن گشت گەشتەیل ئاسمانی فرۆکەخانەیل ئیران لە مابەین نەجەف و تەهران، و گەشتی ئاسمانی هندییش لە جیای بەغدا لە فرۆکەخانەی بەسرە داوەزیا. 

وەڕێەوبەر گشتی فرۆکەخانەی ناودەوڵەتی ئیمام خومەێنی لە ئیران وت، " ئمڕوو گشت گەشتەیل مابەین تەهران و نەجەف و وەپێچەوانەوە پەکخریان تا وەختیگتر لەوەر کەمی ئاست دوینین و پیسی واگە و شەپوول خوەڵواران. 

لەهەمان وەخت گەردەلویل خوەڵواران بویە هووکار داوەزین گەشت دڵهی-بەغدا لە فرۆکەخانەی بەسرە لە باشوور عراق، لەوەر خەسی گەردەلویلە خوەڵ و توزەگە ک هالە کەشوهەوای پایتەخت.

ئیدارەی فرۆکەخانەی ناودەوڵەتی بەغدا، ئمڕوو دوشەممە، لە دویای ئەوەگ ئاست دوینین رەسیە 400م ئاگادار گەشتیارەیل لە بەسیان فرۆکەخانەگە کرد.