خوەڵ و توز روی کەێدە بەغدا
شەفەق نیوز/ بەغداد پایتەخت عراق، شەوەکی رووژ چوارشەممە، رویوەروی گەردەلویلیگ خوەڵ بوود ک یە چوارەم جارە لەماوەی یەک مانگ.
شارەیل عراق زیاتر لە جاریگە گەدەلویل خوەڵ قایمیگ وە خوەیەو دوینێد و لەماوەی چەن رووژیگ، شمارەیگ لە هاوڵاتیەیل تویش پسای خنکیان هاتنە و لەوەر کاریگەریەگانی ئەرا خەسخانە کلکریانە.
ئیدارەی فرۆکەخانەی بەغدای ناودەوڵەتی، وەرجە دو هەفتە گەشتەیلی ئەرا ماوەی یەک رووژ وە تەواوی وسان، وە مدووی گەنی کەشوهەوا، بەرزەوبوین توز و خوەڵ لە ئاسمان ک مەودای ئسفاکردن کەمەوکردوی.
سادق عەتیە شارەزای کەشوهەوا، وەرجە دو رووژ پیشبینی کرد، گەردەلویل خوەڵ شمارەیگ لە شارەیل عراق گرێدەو لە ئیوارەی دویکە سێشەممە و نیمەڕو رووژ چوارشەممە وتیش، کاریگەری دروس کەێد وەبان ناوچەیل خوەرئاوا و باکور خوەرئاوا ناوچەیل ناوڕاس و فورات ناوڕاس و باشوور خوەرئاوای وڵاتەگە.
