خوەڵ و توز دەوام فەرمی لە نەینەوا وسنێد
2022-04-07T06:39:00+00:00
شەفەق نیوز/ پارێزگای نەینەوا، ئمڕوو پەنجشەممە، بڕیار دا پەک دەوام فەرمی بخەێد، وە هوکار ئەو گەردەلۊل خوەڵە لە پارێزگاگە دایە.
نۊسینگەی پارێزگاگە لە بەیاننامیگ رەسیە ئاژانس شەفەق نیوز وت، " بڕیارە دەوام فەرمی لە پارێزگای نەینەوا ئمڕوو پەنجشەممە، بووسیەید وە وەرچەوگردن بارودۆخ کەشوهەوا"، بیجگە لە " فەرمانگەی خزمەتگوزاری و تەندروسی".
گەردەلۊلیگ خوەڵ و توز لە دۊشەو دایە لەشمارەیگ پارێگایەیل عراق تا ئمڕوو ئیوارە وەردەوامە، وەگورەی شارەزایەیل کەشناسی.
