خوەنەوارەیل حەوزەی عراق هاشا لە ئاخونیگ کەن تەڵای فرەیگ داگەسە ژنەگەی
شەفەق نیوز/ بڕیگ لە خوەنەوارەیل حەوزەی ئاینی لە عراق، ئمڕوو سێشەممە، خوەیان لە کردەوەی یەکیگ لە ئاخونەیل دویرەو خستن ک بایی مەلیۆنا دیێنا تەڵا ئەرا ژنەکەی سنەیە.
ماڵپەڕەیل پەیوەندیە کۆمەڵایەتیەکان پارچە ڤیدیۆییگ بڵاو کردن نشان پیاو ئاخونیگ وە عەمامەی سیا دەێد ، دیرێد بایی زیاتر لە ٣٠ مەلیۆن دینار تەڵا کەێدە قەی ژنەگەی.
ئەو پارجە ڤیدیۆ ناڕەزایی گەورەیگ لەلای مەردم پەیوەندیە کۆمەڵایەتیەیلە نشان دا ک ئی کارە وە ئاخونەیل نەگونجیاگە، وەتایبەت فرەی خەڵک عراق هانە کەمدەسی و نەداری.
خوەنەوارەیلە لە بەیاننامەیگ رەسیە ئاژانس شەفەق نیوز وت: پارچە ڤیدیۆییگ بڵاو بوی نشان پیاو ئاخونیگ وەناو سەید عەلی سافی دەێد، دیرێد تەڵا سینێد و کەێدەی قەی مل و دەس ژنەگەی.
بەیاننامەگە وتیش؛ حەوزەی ئاینی قەت پیاویگە نەناسیە و دیارە لە شیوە و رەفتار فیلمەگە کاریگ دروسکریاگە تا ناو عەمامە خراو بکەێد، و دەسەیلیگ دەرەکی خەس پاڵپشتی ئیجوور کارەیلیگ کەن.
و جەخت کردن ک ئیمە شەرمەزار هەر کاریگ کەیمن ناو دامەزراوە ئایینیەگە خراو بکەێد.
