خوەرەگە لەبان عراق زاڵەو بوود.. 13 شار لەناو لیست گەرمترین ناوچەیل جیهان
شەفەق نيوز- بەغداد
13 ناوچەی عراقی، ئمڕوو سێشەممە، لەناو لیست گەرمترین 15 ناوچە لە جیهان لە ماوەی 24 ساعەت گوزەشتە توومار کریا.
فرۆکەخانەی ناودەوڵەتی بەسرە یەکەم بوی لە جیهان وە پلەی گەرمی 52.1 پلەی سەدی، ئیجا شارەگەی بەسرە وە 51.8 پلەی سەدی، و شار عەزیزیە لە عراق وە 51.6 پلەی سەدی کەفنە پلەی سێیەم.
عەبادان لە ئیران هاتە پلەی چوارەم وە 51.4 پلەی سەدی، ئیجا كربلاء لە عراق لە پلەی پەنجەم وە 51.3 پلەی سەدی، و شار كوت لە عراق کەفتە پلەی شەشەم وە 51.3 پلەی سەدی، و فرۆکەخانەی کوێت لە کوێت لە پلەی هەفتەم وە 51.3 پلەی سەدی.
ساڵ نەجەف لە عراق وە گەرمی 51.2 پلەی سەدی پلەی هەشتەم بویە بەشیر ئیجا شار بەدرە لە پلەی نۆهەم وە 51 پلەی سەدی، ئیجا کوت (قەزای حەی) لە عراق لە پلەی دووەم وە 50.9 پلەی سەدی.
شار ناسریە لە عراق کەفتە پلەی 11هەم وە ـ50.9 پلەی سەدی، لە شوینی رفاعی لە پلەی 12هەم وە 50.9 پلەی سەدی، ئیجا عمارە لە عراق لە پلەی 13هەم وە 50.8 پلەی سەدی، و شار خانەقین لە عراق پلەی 14هەم بویە بەشی وە 50.8 پلەی سەدی، و لە پایان ئی لیستە شار دیوانیە لە عراق کەفتە پلەی 15 وە 50.7 پلەی سەدی.
