خه‌زعه‌لى باس له جه‌نگ ناوخوه‌يى ئه‌كا: ده‌س له‌كاركيشانه‌وه‌ى عه‌بدولمه‌هدى دروس نه‌وێ
2019-12-18T19:12:08+00:00
شه‌فه‌ق نيوز/ قه‌يس خه‌زعه‌لى ئه‌ميندار گشتى بزووتنه‌وه‌ى عه‌سايب ئه‌هل هه‌ق، وشدارى دا له‌باره‌ى كه‌فتنه‌وه‌ى جه‌نگ ناوخوه‌يى له عراق.
خه‌زعه‌لى ئه‌را جه‌زيره وت: هه‌ڵوژاردنه‌يل پيشوه‌خته له عراق له‌ساى حكومه‌ت ده‌س له‌كاركيشاگ شايه‌ت بدێده هووكار جه‌نگ ناوخوه‌يى و ئاماژه وه‌يه‌يش كرد گرووپه‌يليگ چه‌كدار هه‌ن بڵاوه بوينه له ڕز خوه‌ينيشانده‌ره‌يل و به‌شيگ له وه‌ئامانجگرتنيان ئه‌گرنه مل.
خه‌زعه‌لى هه‌ميش وت: ده‌س له‌كاركيشانه‌وه‌ى عادل عه‌بدولمهدى سه‌رۆك حكومه‌ت دروس نه‌وێ و له بنه‌ڕه‌ته‌و داواكارييگ ئه‌مريكى بوێ و باس له‌وه‌يش كرد ريككه‌فتن لايه‌نه‌يل سياسى له‌بان كانديد ئاينده ئه‌را سه‌رۆكايه‌تى حكومه‌ت مه‌سه‌له‌يگه سه‌خت.
