خنکیان ٣ کەس و کوشیان چوارەم وە گولە لە رویداوەیلیگ جیاجیا لە عراق
سەرچەوەگە ئەرا ئاژانس شەفەق نیوز وت: خوەنەواریگ لە شەش زانستی دویای گلەوخواردنی لە تاقیکردنەوە، وە کەفتن ماشینەگەی ئەرا ناو جوویگ ئاو حەویجە گیانی لەدەسدا.
وتیش؛ تیمەیل وەرگری شارستانی ماشینەگە دەرکردن و تەرم قوربانیەگە دراوردن و بردنەی ئەرا پزشک دادوەری.
لە میسان، دو گەنج لەناو چەم دیجلە ناوڕاس شار عمارە مەوقەی هوکارەبوین مەلەوانی خنکیان.
سەرچەوەیگ ئەمنی ئەرا ئاژانس شەفەق نیوز وت؛ تیمەیل فریاگوزاریی پزشکی و دەزگایل ئەمنی وەمینەکردنیان لەناو چەمەگە ئامادەباشی راگەیانن.
لە زیقار، گەنجیگ لە ناو تەمەن بیس ساڵە لە ئەنجام بەشداریکردنی لە (دەگەی) هووزانە ک رەسیە تەقەکردن لەناوەین دوو لایەن ناوڕاس قەزای رفاعی باکوور پارێزگای زیقار گیانی لەدەسدا.
سەرچەوەیگ ئەمنی وت: دەگە هووزانەگە ناوەین پیاییگ و سێ کوڕی بوی خەڵک شار ناسریە، ک یەکیگیان کوشیا، و ئەو لایەنەگە خەڵک قەزای رفاعی بویە.
سەرچەوەگە وتیش؛ هیزەیل ئەمنی توەنستن هەردوگ لایەن ئەو دەگەی هووزانە دەسگیر بکەن، ک یەکیگیان فەرمانبەرە لە وەڕیەوبەرایەتی ئاو زیقار و وەگەرد سێ کوڕی بەشداری لە دەگەگە کردنە ک یەکیگیان کوشیا.
