خنکیان دوو منداڵ لەناو گوڵەم ئاویگ لە مووسڵ

شەفەق نیوز/ سەرچەوەیگ ئەمنی، ئمڕوو پەنجشەممە، خەوەردا لە مردن دوو مناڵ وە تاسیان لەناو گوڵەم ئاو ماڵیگ، لە یەکیگ لە ئاوایەیل باکوور خوەرهەڵات شار مووسڵ.

سەرچەوەگە ئەرا ئاژانس شەفەق نیوز وت: دوو مناڵ ئاموزای یەکتر بوین، یەکیگیان لە تەمەن ١٠ ساڵان، و ئەوەکە لە تەمەن ٦ ساڵان، لەناو گوڵەم ئاویگ لە زەوی دروس کریایە، لە ئاوای " بايبوخت" نزیک ناوچەی شەلالات باکوور خوەرهەڵات مووسڵ خنکیان.   

سەرچەوەگە وتیش: دوو زاڕووەگە نزیک ساعەت دوو شەفەق ئمڕوو، وەبی ئاگای باوانیان چینەسە ناو گوڵەمەگە، و کەسیگ وەپیان نەزانستیە تا دویای تاسیانیان، هەنای کەفتنە بان ئاوەگە، ودیاری کرد ک هیزیگ ئەمنی تەرم دوو مناڵەگە ئەرا پزشک دادوەری برد، و لێکۆڵینەوە لە رویداوەگە واز کرد.