خنکیان دوو برا لە زیقار و گلەوخواردن کوڕیگ ئەرا ژیان لە نەجەف

سەرچەوەگە ئەرا ئاژانس شەفەق نیوز وت: دوو برا گەنج وە رویداو خنکیان گیانیان لەدەسدان لە مەوقەی مەلوانیکردن لە چەم غەراف ناوڕاس قەزای شەترە باکوور پارێزگای زیقار.

سەرچەوەگە دیاری کرد کە هیزەیل ئاوی توەنستن دوو تەرمەگە درارن، و ئەرا پزشک دادوەری بریان.

لە نەجەف، سەرچەوەیگ پزشکی ئەرا ئاژانس شەفەق نیوز وت: تیمەیل پزشکی لە خەسەخانەی فورات لە پارێزگاگە توەنستن کوڕیگ لە تەمەن ١١ ساڵان لە مردن قورتار بکەن دویای تویشهاتنی وە تەزیان کارەبا.

سەرچەوەگە دیاری کرد کە کوڕەگە وە مردگی رەسیە خەسەخانە، و وە کارەبا و هەناسەی دەسکرد زنیەو کریا.