خـەم ئێـشقت

لەشم چۊ دار وێ چەمیاس، دڵم وەیلانه بێ چاوت

دەنڰم بـێ ئـازه چـۊ زاڕوو، چەوم گریانه بێ چاوت

دەنڰت هێمان له گوشم هەس، وە ئەتر تو نەفەس کیشم

یــه هـەم دنـیـاێ مـنـه تـەنـیـا، چـمـان زندانه بێ چاوت

چەنێ دۊری چەنێ ژاری، مه دی مردم له دڵتەنڰی

رەگـەیـل دڵخوەشی گـیـانـم ئـەڕا بـڕیانه بێ چاوت

تو هێمان بەزم چاوەیلت مسەڵمانی له یادم بەێ

وە کفرم نەو، خودا زانێ بهشتی ژانه بێ چاوت

مه ئێ دنیا له هۊرەو بەم، وە یاد رەنگ چاوەیلت

ژیـانـم چـۊ وەهارانـۊ، ئـلان زمـسـانه بـێ چـاوت

له چارەم نۊسیاس ئێمشەو وە دردێ ناسیا بمرم

کـ زامەیل خـەم ئێـشقت مـنێ کلیانه بێ چاوت

زەمین‌ و ئاسمان لەرزێ چمان ئێ شاره تەو دێرێ

وە رۊ خـەرمـان داخەیلـم لـەنـو وارانـه بـێ چاوت

ئومیدم ها وە ئـزرائیل، وەلێ زانم هەنەێ بمرم

مەزارم جی خیاڵاتو خەم جارانه بێ چاوت

محراب ئاقایی