خاوەن قوربانیەیل کوشتارەگەی (بۆڕ دۆڕ) ماڵئاوایی لە تەرمەکان نێکەن و داوای هاتن کازمی کەن
2021-03-12T11:46:26+00:00
شەفەق نیوز/ خاوەن قوربانیەیل کوشتارەگەی بۆڕ دۆڕ لە باشوور تکریت رازی نەوین ماڵئاوایی لە تەرمەیل قوربانیەکان بکەن، و داوای ئامادەبوین موستەفا کازمی سەرۆک وەزیران و عوسمان غانمی وەزیر ناوخۆ کردن.
پەیامنێر ئاژانس شەفەق نیوز وت: خاوەن قوربانیەکان رازی نەوین ماڵئاوایی لە تەرمەیل کوڕەیلیان بکەن مەگەر دویای رەسین سەرۆک وەزیران و وەزیر ناوخۆ، تا گووش لە داواکاریەلیان بگرن ک لەوەر پێشێلکاریە ئەمنیە نووەوەبویەکان کەفتنە قەیران.
لەلای خوەییش، سەرچەوەیگ ئەمنی خەوەردا ئاژانس شەفەق نیوز ک وەگورەی لێکۆڵینەوە سەرەتایبەکان و زانیاریەیلیگ لەباوەت کوشتارەگە، ٧ کەس تر لە مردن رزگار بوین هەنای لەوەخت هاتن کۆمەڵە چەکدارەگە وەرەو ناوچەیگ تر واین.
