خانەقین وە یەکیگ لە گەرمترین ناوچەیل جەهان دیاری کریا
2022-07-17T12:27:12+00:00
شەفەق نیوز/ لەوەر بەرزەوبوین پلەیل گەرما لە شارەیل عراق و هەرێم کوردستان وە تایبەتیش لە قەزای خانەقین، ئمڕوو یەکشەممە ئەو شارە پلەی 13 وە دەس هاورد لە گەرمترین ناوچەیل جەهان.
پشتیوان ئیبراهیم، شارەزای مژار کەشناسی ئاشکەرای کردیە، وەپای ئەو پیشبینیەیلە کریایە، ئمڕوو یەکشەممە قەزای خانەقین وە گەرمترین و 13هەمین ناوچەی جەهان دیاری کریا ک پلەی گەرمی ئمڕوو 48 پلەی سلیزی توومار کریایە.
