خانەقین ٨٠ لەسەد لە قەیران گازەگە کەمەو کەێد
شەفەق نیوز/ قایمقامیەت قەزای خانەقین، ئمڕوو شەممە، راگەیان لەناوبردن قەیران گازەگە لە ناوچەیل قەزاگە وە ئاست ٨٠% ، ئەوەیش دۊیای جیوەجیکردن بڕێ لە ریکارە تۆکمەیلە.
یوسف ئیبراهیم وەڕیەوبەر راگەیانن قایمقامیەت خانەقین ئەرا ئاژانس شەفەق نیوز وت: هووکارەیل قەیران گازەگە لە ماوەی گوزەشتە لەوەر کەمی بەرهەم کارەگە٦ل و زیایبۊن داواکاری بۊی، ک بۊیە قەیرانەگە و لە پشتی قسە و باس و داواکاری چارەسەریی کریا.
ئیبراهیم وتیش: ئیدارەی خانەقین دەسوەردان کرد وە ریکار و گامەیلیگ ک چارەی قەیرانەگە وە ئاست ٨٠% کرد، ئەوەیش وە چەودیریکردن سەخت رووژانە ئەرا کارەگەیل گا،و و پابەندکردن خاوەنیان وەبەشەوکردن یەکسانی و سەسکاری نرخەیلە نەکەن.
و دیاری کرد ک ریکارە رووژانەیلە وە شیوەیگ توکمە ئەرا لەناوبردن قەیرانەگە وەیەکجاری وەڕیەو چوود، و هۊچ رخیگ لە قەیران گازەگە نییە، وتیش: ئیدارەی خانەقین رکدارە چارەی گرفتەیل خزمەتگوزاری وە زۊیترین وەخت بکەێد، و وەکارهاوردن گشت توانان و دەسەڵاتی.
وەرپرسە خۆجێییەگە هوشداری خاوەن کارەگا و وەکیلەیل فرووشتن لە قەزاگە لە دەسکاری و پێشێلکاری کرد وە ریکارەیل ئیدارەگە، و دووپات کرد لە جیوەجیکردن ریکارەیل سەختیگ وەرانوەر پێشێلکارەیل لەماوەی ئایندە، و وە ماوەی رووژەیل کەمیگ قەیرانەگە وە تەواوی لەناو چوود.
