خانەقین كەفتیەسە نوا.. 13 شار عراق لەناو گەرمترین شارەیل جەهانن
قەزای خانەقین لە پارێزگای دیالە بەرزترین پلەی گەرما لە جەهان توومار کردیە، و رەسیەسە 50.5 پلە، وهەمیش شارەیل تریش لە عراق پلەی گەرمی کەمیگ کەمتر لە 50 پلەی سەدی توومار کریایە.
وەرجەیە، دەسەی کەشناسی، کەشوهەوای ئەو وڵاتە ئەرا چوار رووژ ئایندە راگەیان، و مەزەنە کرد پلەی گەرمی لە بەغدا 51 پلە رەد کەێد. دەسەگە لە بەیاننامەیگ رەسیە ئاژانس شەفەق نیوز: وت "کەشوهەوای وڵاتەگە ئەرا سوو جمعە، لە گشت وڵاتەگە گەرم بوود، هەرلیوا پلەی گەرما کەمیگ لە رووژ وەرجە خوەی لە ناوچەیل ناوڕاس و باشوور بەرزەو بوود، و لە ناوچەی باکوور نزیکە لە رووژ وەرجە خوەی، وتیش؛ بەرزترین پلەیل گەرما لە بەغدا، ناسریە، موسەنا، قادسیە رەسێدە 51، و کەربەلا و نەجەف، میسان، واست 50، و بەسرە، 49.
وتیش: "کەشوهەوای رووژ شەممە خوەرە وەگەرد لەکە ئەوریگ لە گشت وڵاتەگە، و پلەی گەرم جویر رووژ وەرجە خوەیە".
هەمیش وت: "کەشوهەوای رووژ یەکشەممە، لە گشت وڵاتەگە گەرمە، و پلەی گەرما لە ناوچەی باکوور و ناوڕاس کەمیگ لە رووژ وەرجە خوەی بەرزترەو بوود، و لە ناوچەی باکووریش نزیک رووژ وەرجە خوەیە."
دەسەگە وتیش: "کەشوهەوای وڵاتەگە لە دووشەممەی ئایندە گەرمە، و پلەی گەرما هاوشیوەی رووژ وەرجە خوەیە."
