خانەقین گشت گرفتەیل بڕیار بەسانن کامپەیل ئاوارەیی یەکلاوە کەێد
شەفەق نیوز/ فەرمانگەی کۆچ وکۆچبەران لە قەزای خانەقین، ئمڕوو دووشەممە، راگەیان یەکلاکردنەوەی گشت گرفت و ریگریەگان ک لە پشت بڕیار بەسانن کامپەیل ئاوارەیی لە پارێزگاگە لە بان فەرمانیگ حکومەتی هاتن.
عەلی غازی ئاغا وەڕێۆبەر فەرمانگەگە ئەرا ئاژانس شەفەق نیوز وت: گشت ئەو خیزانەیلە لە کامپەیل ئاوارەیی لە خانەقین ئەلوەند ١ و ئەلوەند ٢، چگنەو ئەرا ناوچەیل خوەیان، بیجگە ٥٠ خیزان لە دانیشتوەیل ناوچەی خێلانیە نەچگنەو لەوەر نەوین خزمەتگوزارییەگان و چەن گرفتیگ ئەمنی، و مووڵەتەیل فەرمی لە شوونکردنەوەیان لە خانەقین دریا تا ئەوەنە کەشوهەوایل گونجیاگ ئەرا چگنەوەیان بوون.
ئاغا دووپاتکرد لە دابینکردن گشت پێداویستیەیل ئەرا چگنەوەی ئاوارەگان وەرەو ناوچەیل خوەیان، وبەسانن تەواوەتی کامپەگان لە خانەقین و لە پارێزگای دیالە، وەگەرد گرنگی داین وە ئەو خیزانەیلە ک باوەت ئاوارەییەگە بەسن وە وەرگردن بیمەی چگنەوەگە ک رەسێدە بایی یەک مەلیۆن ونیم دینار عراق.
