خانەقین.. بەرزەوبوین ریژەی بەرهەم خورما لەی وەرزە
کامیران عەبدولڵا وەڕیەوبەر کشتوکاڵی خانەقین سەروە حکومەت هەرێم کوردستان، ئەرا ئاژانس شەفەق نیوز وت: بەرهەم خورما لەی وەرزە لە ١٠٠٠٠ تەن رەد کرد، لە وەختیگ وەرز گوزەشتە رەسیە ٨٠٠٠ تەن، هەرچەن نرخەگەی نەڕەسیە ئاست تەمای خاوەن باخەیل.
عەبدولڵا لە قسەیلی ئەرا ئاژانس شەفەق نیوز دیاری کرد کە رووبەر باخەیل خانەقین رەسێدە زیاتر لە ٢٧٠٠ دۆنەم، و رووبەر ئەو باخەیلە کە زەرەد وەپییان رەسیە رەسێدە نزیکەی ٨٠ هەزار دۆنەم.
دووپات کرد کە کشاوەرزەیل رەی وەرەو دووارە زنیکردن باخە کۆنەیل کەن وە وەکارهاوردن تەکنیکەیل نوو کە داهات بیاشتوود، و باس زیایبوین چینەیل خورما لە خانەقین کرد لە ١٥ ئەرا ٢٣ چین کە کوالیتی جەهانی دیرن، و بسین فرەیگ لە بازاڕەیل دیرن.
عەبدولڵا لەباوەت فرووشتن خورمای خانەقین وتیش؛ خانەقین خورما ئەرا هەرێم کوردستان فرووشێد، و بسینەیل فرەیگ دیرێد لە هەولێر و سلێمانی.
وەگورەی ئامارەیل کشاورزی، زیاتر لە ٦٠ باخ لە خانەقین کەفتە وەر فەوتیان، و بوینە زەوی ئەرا ماڵکردن وەخاتر سوودگردن دارایی.
