خانەقین.. ئاوارەیلە ژیان و گوزەرانی لە مەردمەگەی تەنگەو کەن
شەفەق نیوز/ ئیدارەی شار خانەقین، ئمڕوو چوارشەممە، دووپات کرد ک زیاتر لە ٢٠٠٠ خیزان ئاوارە هیمان لەناوچەیل قەزاگە جیگر بۊینە، هەرچەن لە پارەکەو کامپەیل ئاوارەیی بەسیانە.
دلێر سایە قایمقام خانەقین ئەرا ئاژانس شەفەق نیوز وت: لەبان راگەیانن بەسیان کامپەیل ئاوارەیی لە خانەقین لە پارەکە وە بڕیار وەزارەت کووچ و کووچبەرەیل، باوجی خیزانە ئاوارەیلە وەرەو ناوچەیل خوەیان گلەو نەخواردن و چۊیچیانە ناوچەیل خانەقین تا بۊیە تەنگەوکردن لە خەڵک شارەگە لە درفەتەیل کار و ژیان و گوزەرانی وەگەرد ئەو ئەرکەیل خزمەتگوزاریە ک بار ئیدارەی خانەقین سەنگینەو کەێد.
سایە داوا لە لایەنە پەیوەندیدارەیلە کرد سەختیەیل و ریگرەیلە لەبان ئیدارەی خانەقین سووکەو بکەن، ک فراوانی لە نیشتەجیی گەورەیگ و قەیرانەیل خزمەتگوزاری وەخوەی دۊینێد.
قایمقام خانەقین دووپات کرد ک فەرمانگەی کووچ و کووچبەرەیل لە وەختیگ گوزەیشتە وەخشین لە وەرگردن سەدان خیزان لە رووداوەیل خۊینین موقدادیە داوا کرد، لەوەر ئەوە کبکامپەیلە نەگونجیانە و کەرەڤانەیلە و و بینایلە ئورا فەرمانگەیل و دامەزراوەیل پارێزگای دیالە بریانە.
قەزای خانەقین لە سەردەم ریخریاگەیل قاعیدە و داعش لە ٢٠٠٧ تا ٢٠١٤ هەزاران لە خیزانەیل ئاوارە وەرگرد.
