خاسەوبوین نرخەیل نەفت چەوەڕی دوو کارە.. عیراقیش چەودێرە
شەفەق نیوز، فوڕات موسەوی، پسپۆڕ کارەیل وزە، روژ پەنجشەممە، دوو کار دیاری کرد، ئەرا بەرزەوبوین نرخەیل نەفت جیهانی، ک ئی مانگ هاتگە رێککەفتن دەوڵەتەیل ئۆپیک چودە ناو جیوەجیردن.
موسەوی ئەرا شەفەق نیوز وت: بەرزەوبوین نرخەیل نەفت خوەراوای تیکساس راستەقینە نیە، وکاریگەری خاسیگ لە بان ئەوزەڵبوین ئابوری جیهان نەیرێد، ک ئەوزەڵبوین ئابوری لە گیرهاوردن ڤاێڕۆس کوڕۆنا بود، دویای هاتنوەی داواکردن لەبان وزە، ودویای یەگ ک نرخ نەفت خام جی خوەی بگرێد.
وتیش؛ رێککەفتن رێکخراو ئۆپیک لە مانگ ئایار دەس وەپی کەێد، و نرخەیل نەفت لە سەرەتای مانگ حوزەیرانەو خاسەو بود، وەلی وە کاڵی خاسەوبود، چوینکە پێشەنگیەیل نەفت لە داواگان فرەترە.
موسەوی باس لەویش کرد؛ ک خاسەوبوین نرخەیل نەفت وهاتنەوەی ئەرا جارانی، پەیوندی وەکەمەوبوین ڤاێڕۆس کۆڕۆنا، وکیشانن زیایەیل نەفت لە بازاڕەیل جیهانی دیرێد، لە ری زنیەوبوین ئابور ئاسیا.
