خەوەر خاسیگ لە زیقار.. ١٩ بیمار تەو خۊنوەربۊن خاسەو بوی

شەفەق نیوز/ سەرچەوەیگ پزشکی لە پارێزگای زیقار، ئمڕوو پەنجشەممە، دیاری وەدیهاتەیل بیماری تەو خۊنوەربۊن لە پارێزگاگە کرد، و باس خەوەر خاسیگ لەباوەت ئەو بیماری رخبەرە کرد.   

سەرچەوەگە ئەرا ئاژانس شەفەق نیوز وت: گشت شمارەی تۊشهاتنەیل ڤایرۆس تەو خۊنوەربۊن لە پارێزگاگە رەسیە ٣١ کەس، ٧ لەلیان مردن، و گومان لە مردن هەشتەم کەس هەس.  

سەرچەوەگە وتیش: شمارەی ئەو کەسەیلەگ لە بیماریەگە خاسەو بوینە تا ئیسە رەسیە ١٩ کەس، وتیش: ژنیگ بیماری وەبان وەرپرسایەتی خوەی لە خەسەخانە دەرچگ، و سێیان هانە چارەسەری.  

وەرجەیە، سەرچەوەیگ پزشکی ئەرا ئاژانس شەفەق نیوز وت: پارێزگاگە ٣٠ تویشهاتن وە بیماریەگە توومار کرد، دوانیان لە پارێزگای میسان هاتنە، و یەکیگیش مرد لە پارێزگای موسەنا هاتوید.