خەزعەلی توومەتبار کۆمپانیایگ بەریتانی کەێد ک دەسی هاناو کوشتن سولەیمانی و موهەندس
شەفەق نیوز/ قەیس خەزعەلی سکرتێر گشتی عەسایب ئەهل حەق، توومەتبار کۆمپانیای « جی فۆڕ ئێس» بەریتانی کرد ک وەرپرسە لە ئاسایش فڕۆکەخانەی بەغداد، گوایە دەسی هاناو باوەت کوشتن قاسم سولەیمانی و ئەبو مەهدی موهەندس، لە سەرەتای ئی ساڵە.
خەزعەلی لە وتاریگ ئەرا کەناڵ «عەهد» سەروە بزووتنەوەگەی وت: ئەو کۆمپانیا ک گریەبەسی ئاسایش باوەتە ئەمنیەگان لە فڕۆکەخانەگە کردگە، بەشدار بویە لە بەشیگ لە ئەرک دووپاتکردن لە ئامانجەگە ( سولەیمانی و موهەندس) ئەرا جیوەجیکردن کوشتنەگە.
وتیش: لە ریکارەیل فڕۆکەخانەگە بایەدە کۆمپانیاگە نزیک لە هەر فڕۆکەیگ بوود ک داوەزیەێد، بەڵکم ماشین کۆمپانیاگە لە رووژ کوشتنەگە وەتایبەت لەو تەنیا رووژە لەلای پلەیل سواربویەگان وسیاوید، و خەزعەلی ئەوە وە ئەرکیگ دانا.
خەزعەلی وتیش؛ ئەفسەرەیل ئەمن نیشتمانی کامیرایلیک چەودیری لە نزیک پلەی فڕۆکەگە پەیا کردن، و ئەرک ئەو کامیرایلە خوەی رەوانگەکردن جوولەی سولەیمانی و موهەندس بویە.
لەلای خوەییش، عادل عەبدولمەهدی سەرۆک وەزیران وەرین وت: موستەفا کازمی سەرۆک وەزیران ئیسە، هەنای وەرپرس هەواڵگری بوی خوەی یەکەم کەس بوی ک لەخەو هەڵسانەی و خەوەر کوشتن سولەیمانی و موهەندس داگە پی.
وتیش: بڕیار بوی رووژیگ دویای رووژ کوشتنەگەی چەوم بکەفێدە سولەیمانی لەباوەت نزیکەوکردنیک لەناوبەین ئیران و سعودیە.
