حکومەت سێ تریلیۆن دینار قەرز کرد ئەرا دابینکردن مووچەی ئی مانگەی فەرمانبەرەیل
راوێژکار ئابووری حکومەت عیراق، ئمڕوو شەممە، ئاشکرای پەنابردن حکومەت کرد ئەرا قەرزکردن سێ تریلیۆن دینار تا دابین مووچەی فەرمانبەرەیل له ئی مانگە بکەێد.
مزهر محمد ئەرا ئاژانس شەفەق نیوز وت: خەرج کردن راسی حکومەت عیراق لە هەفت تریلیۆن لە مانگیگ فرەترە ، پەنج تریلیۆن و ٥٠٠ لیلیار لەلی ئەرا مووچەی فەرمانبەر و خانەنیشین وسودمەن لە چەودێری کۆمەڵایەتیە.
وتیش؛ پویل ژیردەس و داهات نەفتی وداهاتەیل تر بەش مووچه ناكا، وتوانای دابینکردنی نیە، و دووپات کرد ک حکومەت سێ تریلیۆن دینار ئەرا دابین کردن مووچەیل مانگ ئایار لە بانک حکومەتی قەرز کردگە . راوێژکارەگە ئاماژە دا ک قانجاز پویل قەرزەگە بویە ٥% ئەرا هەر ساڵیگ.
موستەفا کازمی سەرۆک وەزیران لە ١٩ ئایار، فەرمان مەرەقەز کردن مووچەی مانگ ئایار دا، ودووپات کرد ک مووچە وەبی بڕین دریەێد. جی ئاماژەس ک بوودجەی فیدڕاڵی عیراق وه شیوهی سەرەکی شت وه داهات نەفت بهساس ، بەڵکم وەهۆی مەترسیەگان ڤاێڕۆس کۆڕۆنا نرخ جهانی نەفت داوەزیا و پەک دارایی خست لە باوهت بوودجە، وهل مەترسی لە توانای حکومەت ئەرا دابینکردن مووچەی فەرمانبەرەیل.
