حه‌شد شه‌عبى له‌باره‌ى ته‌مويلكردن داعش وه به‌ڵگه‌وه تومه‌تبار ئه‌مريكا ئه‌كا
شه‌فه‌ق نيوز/ سه‌ركردايه‌تى حه‌شد شه‌عبى- محوه‌ر باكوور، تومه‌تبار ته‌ياره‌وانى ئه‌مريكى كرد وه ته‌مويلكردن په‌لاماره‌يل ريكخرياگ داعش له كه‌ركوك و دياله‌و سه‌ڵاحه‌دين، و ئاماژه وه‌يه‌يش كرد گرته‌ى وێنه‌گرياێ ديرێد له‌و باره‌وه‌و ئدانه‌ى هاوپه‌يمان ناوده‌وڵه‌تى ئه‌كا.
له‌ى باوه‌ته‌و، عه‌لى هاشم حسه‌ينى قسه‌كه‌ر ره‌سانن حه‌شد باكوور ئه‌را ئاژانس شه‌فه‌ق نيوز وت: گشت روێ وه‌ڕوێ بوينه‌وه‌و په‌لاماره‌يل تيرۆرستى ك كه‌رته‌يل حه‌شد و هيزه‌يل ئه‌منى ئه‌كه‌نه ئامانج له ته‌ياروانى ئه‌مريكييه‌و ته‌مويل ئه‌كريه‌ێد له ده‌ورگرد كه‌ركوك و سه‌ڵاحه‌دين و دياله، وه‌تايبه‌ت له ناوچه‌يل هاوبه‌ش له‌ناونى هه‌رسێ پاريزگاگه.
حسه‌ينى جه‌خت له باڵه‌وگرتن كۆپته‌ره‌يل ئه‌مريكى وه فريه‌يى و وه‌شيوه‌يگ رووژانه كرد له به‌رزايه‌يل خورماتوو ك دريژه‌و بويه له سه‌ڵاحه‌دين تا ده‌ورگرد كه‌ركوك و وت: هه‌ر كه‌رتيگ ئه‌منى تويش په‌لامار باێد پيشتر ته‌ياره‌يل ئه‌مريكى له‌تى باڵه‌و ئه‌گرن و يه‌يش لوغز و نهێنييگه‌و داوايش له ده‌سڵاته‌يل په‌يوه‌نديدار ئه‌منى كرد ئى لوغزه ئاشكرا بكه‌ن.
جى باسه، حسه‌ينى هه‌ميش وت: ده‌يان گرته‌ى وێنه‌گرياێ ڤيديۆيى ديريم ئسپات ئه‌وه ئه‌كه‌ن ته‌ياره‌يل ئه‌مريكى داعشيه‌يل جيواز ئه‌كه‌ن له‌ناونى كه‌رته‌يل دياله و كه‌ركوك و سه‌ڵاحه‌دين، بيجگه ئه‌وه‌يش وه په‌ره‌شووت ده‌سميه‌ت ئه‌رايان دابين ئه‌كه‌ن له چه‌ك و ته‌قه‌مه‌نى له‌وه‌ر پته‌وكردن تواناى داعش له‌و ناوچه‌يله.
