حكومه‌ت عراق و هه‌رێم كوردستان جه‌خت له يه‌كه‌وخستن رێ وشوونه‌يل گومرگى ئه‌كه‌ن
شه‌فه‌ق نيوز/ هه‌ريه‌ك له حكومه‌ت ناوه‌ندى و حكومه‌ت هه‌رێم كوردستان، جه‌خت له خواست يه‌كه‌وخستن رێ وشوونه‌يل گومرگى كردن له گشت ده‌روازه‌يل عراق.
له‌ى باوه‌ته‌و، عومه‌ر وائلى سه‌رۆك ده‌سته‌ى ده‌روازه‌يل مه‌رزێ، پيشوازى كرد له فارس عيسا عه‌بدولكه‌ريم نوێنه‌ر حكومه‌ت هه‌رێم كوردستان له به‌غدا و وه‌گووره‌ى به‌ياننامه‌يگ ده‌سه‌ى ده‌روازه‌يل هه‌ردوگلا باس له ئاسوو هاريكارى هاوبه‌ش كردنه له‌باره‌ى دوسيه‌ى ده‌روازه‌يل و جيوه‌جيكردن بڕيار ئه‌نجومه‌ن وه‌زيره‌يل شماره(13)ى ساڵ 2019 ك تايبه‌ته وه په‌يوه‌سكردن ده‌روازه‌يل هه‌رێم وه ده‌وزاره‌يل حكومه‌ت ناوه‌ندى و يه‌كه‌وخستن رێ وشوونه‌يل گومرگى له‌گشت ده‌روازه‌يل عراق وه ئه‌وه‌گ پابه‌ندى بكريه‌ێد وه مقه‌يه‌تيكردن له به‌رهه‌م نيشتمانى و دويرگرتن له سياسه‌ت هاورده‌كردن.
به‌ياننامه‌گه باس له‌وه‌يش كرد ك ئى سه‌ردانه خاڵ ده‌سوه‌پيكردن دانيشتن و له‌يه‌كڕه‌سينه‌وه‌يله وه ئيراده‌يگ راس و دروس.
