حكومه‌ت راپۆرتيگ ناونه‌ته‌وه‌يى له‌باره‌ى خوه‌ينيشانداينه‌يل دى و په‌يجورى له‌باره‌يه‌وه ئه‌كا
شه‌فه‌ق نيوز/ حكومه‌ت عراقى ئاگادار بوێ له راپۆرتيگ تايبه‌ت له نويسينگه‌ى مافه‌يل ئاده‌ميزاد سه‌ر وه نه‌ته‌وه‌يل يه‌كگرتگ له عراق وه‌ناونيشان " حاڵه‌ته‌يل رفانن و سزاداين و بيسه‌روشوونكردن زووره‌ملى له ريڕه‌و خوه‌ينشانداينه‌يل له عراق: تازه‌كردنه‌وه‌ى سێيه‌م" ، ك ماوه‌ى ديريژه‌وكرياێ ديارى ئه‌كا له 1 ته‌شرين يه‌كه‌م 2019 تا 21 ئادار 2020.
له‌ى باوه‌ته‌و، نويسينگه‌ى مسته‌فا كازمى سه‌رۆك وه‌زيره‌يل له به‌ياننامه‌يگ وت: حكومه‌ت عراقى جه‌خت له‌وه ئه‌كا ك مكوڕه و پابه‌ندبوين وه مافه‌يل ئاده‌ميزاد ئه‌كا وه‌ل ريزگرتن له كه‌رامه‌ت و حورمه‌تگرتن له به‌ڵگه‌يل ناوده‌وڵه‌ى ك عراق له‌ى باوه‌ته‌و ئمزاى كردگه.
به‌ياننامه‌گه يه‌يش درخست ك له‌ى چوارچيوه‌ى، حكومه‌ت له‌نوو جه‌خت له پابه‌ندبوين وه په‌يجوورييگ پاك و سه‌روه‌خوه‌ى ئه‌كا له‌گه‌شت ئه‌و رويداگه‌يله ك ئاماژه وه‌پيان كرياگه له راپۆرته‌گه وه‌گووره‌ى په‌يڕه‌و وه‌زارى.
