حزبیگ عیراقی داوای لێکۆڵینەوە دژ ئەمینداریەتی گشتی ئەنجومەن وەزیران کەێد، ئەرا بڕین مووچەی کوردستان.
شەفەق نیوز/ حزب نەتەوەی عیراقی وە سرۆکایەتی میسال ئالوسی، ئمڕوو چوارشەممە، داوای لێکۆڵینەوەیگ دژ وە ئەمیندارەیەتی گشتی ئەنجومەن وەزیران کرد، له‌باوه‌ت بڕین مووچەی فەرمانبەرەیل کوردستان.
ئالوسی لە تویتیگ وت؛ حزب نەتەوەی عیراقی داوا لە داواکاری گشتی کەێد وە لێکۆڵینەوەیگ جیوەجی دژ وە ئەمیندارەیەتی گشتی ئەنجومەن وەزیران لە ناوچەی خەزرای به‌غدا، ئەرا سیاسه‌ت فاشستی لە زیان داین وە مرۆڤ، وە بڕین مووچەی فەرمانبەرەیل هەرێم کوردستان.
وتیش؛ داوا لەسیاسیەیل کەیمن، بەهانەی کێشەو گرفت ناوبەین خوەیان نەخەنە بان مەردمەیل، گیچەل خوەیان دویر لە نان هاوڵاتەیل چارەسەر بکەن.
دیوان ئەنجومەن وەزیران لە هەرێم کوردستان، ئمڕوو چوارشەممە، نامەیگ لە ١٠ خاڵی ئەرا ئەمیندارەیەتی گشتی ئەنجومەن وەزیران لە حوکمەت ئیتیحادی كل كرد ك ئه‌و دەسپچگەیل یاسایی لە ناوی بوی، ک ری نێەد وە بڕین مووچەی فەرمانبەرەیل هەرێم، وەگورەی ماف فەرمانبەرەیل ئەو بەشەیلەگەی عیراق.
