حزبیگ کورد ئۆپۆزسیۆن ئیرانی زەرەدەیلیگ گیانی لە گورز ئیران لەبان بارەگایلی لە هەولێر راگەینێد
2022-09-28T08:35:03+00:00
شەفەق نیوز/ پارت ئازادی کوردستان ئۆپۆزسیۆن ئیرانی، ئمڕوو چوارشەممە، راگەیان ک زەرەدەیلیگ گیانی فرەیگ لەو گورز ئیرانیە لەبان بارەگایلیان وەپیان رەسیە.
حسێن یەزدانپەنا سەرۆک حزبەگە ئەرا ئاژانس شەفەق نیوز وت: گورز ئیران لەبان بارەگایلمان لە قەزای کۆیە وە بڕ فرەیگ لە مووشەک بوی.
یەزدانپەنا وتیش: زەرەدەیلیگ گیانی فرەیگ رەسیە حزبەگە.
وەرجەیە، شەوەکی ئمڕوو، سەرچەوەیگ ئەمنی خەوەردار ک فڕۆکەیگ بێفڕۆکەوان بومبیکریاگ پەلامار ناوچەیگ دا لە قەزای کۆیە لە پارێزگای هەولێر پایتەخت هەرێم کوردستان.
