حزب ده‌سڵاتدار ئه‌ڵمانيا داواى وه‌رگرتن په‌نابه‌ره‌يل عراقى ئه‌كا
شه‌فه‌ق نيوز/ مسته‌فا ئه‌لعه‌مار ئه‌ندام ئه‌نجومه‌ن ئه‌مينداره‌يل له حزب ده‌سڵاتدار ئه‌ڵمانيا، داوا له حكومه‌ته‌گه‌ێ كرد ماف په‌نابه‌رى گورج بيه‌ێده ئه‌و عراقيه‌يله ك ماف په‌نابه‌رێتييان ره‌ته‌و كرياگه‌و هانه ناو خاك وڵاته، وه‌تايبه‌ت دوياى رويداگه‌يل ئى دوياخره له عراق و نه‌وين ئارامى و سه‌قامگيرى.
ئه‌لعه‌مار له لێدوانيگ ئه‌را شه‌فه‌ق نيوز وت: له‌ڕێ پۆست ئه‌لكترۆنى داواكارييگ له‌ى باوه‌ته‌و وه‌ناو خوه‌م و وه‌ناو ريكخرياگ مرۆيى بى سنوور ئه‌ڵمانى پيشكه‌ش وه رودريش كيزڤيته‌ر سه‌رۆك كاروبار خارجى كردمه ئه‌را ئه‌وه‌گ بخاده‌ى وه‌رده‌م حكومه‌ت له ماوه‌ى چه‌ن رووژيگ ئاينده‌و هاوكارى ته‌ماميگ وه‌لما كردگه.
جى باسه، شماره‌ى كووچكه‌ره‌يل عراقى ئه‌را ئۆرپا روێ له زيايبوين كرد له‌وه‌خيگه‌و ريكخرياگ تيرۆريستى داعش روێ له وڵاته‌گه‌يان كرد له تاوسان 2014، وه‌لێ فريه‌يگ له‌و ده‌وڵه‌ته‌يله ك گرتنه‌سه‌يان خوه‌يان ره‌تيانه‌و ئه‌كاو هانيان ئه‌ياد گله‌و بخوه‌ن ئه‌را وڵات خوه‌يان دوياى ئه‌وه‌گ داعس له ساڵ 2017 راو نريا.
