حکومەت عراق دەسکێدە بەشەوکردن مووچەی خانەنشینەیل
2022-04-28T12:24:33+00:00
شەفەق نیوز/ وەزارەت دارایی فەرمانگەی ژمێریاری، ئمڕوو پەنجشەممە، دەسکردە سپۆنسەرکردن مووچەی خانەنشینەیل مەدەنی و سەربازی ئەرا مانگ ئایار ئایندە.
وەزارەتەگە لە بەیاننامیگ رەسیە ئاژانس شەفەق نیوز، لەبان ئیدارەی بانکەیل رافدەین و رەشید و دەزگای خانەنشینی نیشتمانی دووپات کرد ریکارەیل خەرجکردن مووچەی خانەنشینەیل مەدەنی و سەربازی وەڕی کارتەیل ئەلیکترۆنی وەرجە جەژن رەمەزان جیوەجی بکەن.
وەزارەتەگە لە بەیاننامەگەی داوا لە خانەنشینەیل مەدەنی و سەربازی کرد لەوانەگ پەیام رەسێدە پیان، سەردان لقەیل بانکەیل یا شۊنەیل خەرجکردن ئامێری بکەن تا مووچەیلیان وەربگرن.
لەلای خوەییش دەزگای خانەنشینی نشتمانی لە بەیاننامیگ دەسکردن وە خەرج مووچەی خانەنشینەیل مەدەنی و سەربازی ئەرا مانگ ئایار ٢٠٢٢ راگەیان.
