حەلبووسی و سودانی و فەیاز رەسنە هەولێر
شەفەق نیوز/ محمد حەلبووسی سەرۆک پەرلەمان عراق وەگەرد محمد شیاع سوتانی کاندید ئەرا سەرۆکایەتی وەزیرەیل، و فالح فەیاز سەرۆک حەشد شەعبی، ئمڕوو دووشەممە، رەسینە هەولێر پایتەخت هەرێم کوردستان وە یاوەری شاندیگ پەرلەمانی.
موعین کازمی سەرکردە لە چوارچیوەی هەماهەنگی ئەرا ئاژانس شەفەق نیوز وت: شاندیگ سیاسی وپەرلەمان پایەبەرز، شەوەکی ئمڕوو، رەسیە هەولێر، ئەرا رێککەفتن لەبان مەوقەی دانیشتن هەڵوژاردن سەرۆک کۆمار، وئەرکدارکردن کاندید گەورەترین فراکسیۆن ئەرا سەرۆکایەتی وەزیرەیل، دیاری کرد شاندەگە هەرلە محمد حەلبووسی سەرۆک پەرلەمان و محمد شیاع سودانه کاندید پۆست سەرۆک وەزیرەیل و فالح فەیاز سەرکردە لە چوارچیوەی هەماهەنگی هاناوی.
وەگورەی موعین کازمی، شاندەگە ئەوەسا دویاترین شوینپەنجەی لەباوەت دروسکردن حکومەت نوو دانەێد.
لەلای خوەییش، سەرچەوەیگ لە پارت دیموکراتی کوردستان لە هەولێر ئەرا ئاژانس شەفەق نیوز وت: حەلبووسی و شاندەگە ئەوەسا چەویان کەفێدە مەسعود بارزانی سەرۆک پارت دیموکراتی کوردستان، و نێچیروان بارزانی سەرۆک هەرێم کوردستان، و بڕیگ لە وەرپرسەیل هەرێم کوردستان.
لەباوەت دانیشتنیگ پەرلەمانی ک هاتێ رووژ چوارشەممەی ئایندە بوود ئەرا هەڵوژاردن سەرۆک کۆمار، سەرچەوەیگ سیاسی وت "ئی قسە راسی نیە"، و ئەرا ئاژانس شەفەق نیوز دیاری کرد، ئەنجام گردەوبوین هەولێر مەوقەی دانیشتنەگە دیاری کەێد، ک شایەت رووژ پەنجشەممە بوود، یا بکەفێدە هەفتەی ئایندە.
