جيگیربوین نرخ دۆلار لە بەغداد و هەولێر
2023-09-09T08:13:59+00:00
شەفەق نیوز/ نرخ دۆلار ئەمریکی وەرانوەر دینار عراقی، ئمڕوو شەممە، لە بۆرسەی سەرەکی بەغداد پایتەخت، و لە هەولێر پایتەخت هەرێم کوردستان، جیگیر بوی.
پەیامنێر ئاژانس شەفەق نیوز وت: نرخ دۆلار ئەمریکی وەرانوەر دینار عراقی، شەوەکی ئمڕوو، لە بۆرسەی سەرەکی کیفاح و حارسیە رەسیە ١٥٤٠٠٠ دینار عراقی وەرانوەر ١٠٠ دۆلار ئەمریکی، کە هەر خود نرخ رووژ پەنجشەممەی گوزەشتەس.
پەیامنێر ئاژانسمان وتیش: نرخ فرووشتن و سەنین لە دوکانەیل ناوخوەیی بەغداد جیگیر بوی، کە نرخ فرووشتن ١٠٠ دۆلار ئەمریکی ١٥٥٠٠٠ دینار عراقی، و نرخ سەنینی رەسیە ١٥٣٠٠٠ دینار عراقی.
لە هەولێر پایتەخت هەرێم کوردستان، نرخ دۆلار هەمیش جیگیر بوی، کە نرخ فرووشتن ١٠٠ دۆلار ئەمریکی رەسیە ١٥٤٧٠٠ دینار عراقی، و نرخ سەنینی رەسیە ١٥٤٣٠٠ دینار عراقی.
