جوولەیگ لەلایەن ٥٠ پەرلەمانتار ئەرا پرسیارکردن وەزیر دارایی

جوولەیگ لەلایەن ٥٠ پەرلەمانتار ئەرا پرسیارکردن وەزیر دارایی
2020-10-09T11:53:22+00:00

شەفەق نیوز/ فراکسیۆن  پەرلەمانی حیکمە، ئمڕوو جمعە، ئاشکراکرد لە جوولەیگ پەرلەمانی ئەرا پرسیارکردن عەلی عەبدولئەمیر عەلاوی وەزیر دارایی، لە پشت قەیرانیگ دارایی بویە هووکار لە دیرکەفتن خەرج مووچەی فەرمانبەرەیل.

سەتار جەبار جابری نۆێنەر لە فراکسیۆن حیکمە ئەرا ئاژانس شەفەق نیوز وت: ئی جوولە ئیسە زیاتر لە ٥٠ واژوو پەرلەمانتار گردەو کردگە، ئەوەسا دانریەێد وەگەرد داواکاری فەرمییگ ئەرا پرسیارکردنەگە، وخریەێدە وەردەس سەرۆکایەتی پەرلەمان.

و ئاماژەکرد ک تەوەرەیل پرسیارکردنەگە لەباوەت وەڕێۆبەردن عەلاویە ئەرا وەزارت دارایی وەشیوەی نارێکیگ، ودیرکەفتن لە خەرج مووچەیل فەرمانبەرەگان، و مقەیەتی نەکردن بویلەیل قەرزەگە وخەرجکردنی وشیوەیگ تا یاسایی، وهەمیش پێشکەشکردن پڕۆژەی نوو قەرزکردن ئەرا ئەنجومەن نۆێنەران ئەرا حکومەتەگە نا گونجیاگ بوی وشایەت لەلایەن پەرلەمان و رەت بکریەێد، و وەزیر دارایی ئەرا ماوەی هاتگ بخریەێدە وەر لاوردن.


Shafaq Live
Shafaq Live