جه‌نراڵيگ عراقى ئاشكراى پيشڕه‌وى گه‌ورايگ كرد له جه‌نگ له‌ناوبردن داعش
شه‌فه‌ق نيوز/ جه‌نراڵيگ سه‌ربازێ، باس له‌وه كرد عراقيه‌يل پيشڕه‌وێ گه‌ورايگ ئه‌نجام دانه له جه‌نگيان دژ ريكخرياگ تيرۆريستى داعش، نه‌ك ته‌نيا له‌بان ئاست له‌ناوبردن پاشماوه‌ى ئه‌و ريكخرياگه‌و پويچه‌ڵكردنه‌وه‌ى شانه‌يل خه‌فتگيان، به‌ڵكوو له‌بان ئاست سه‌ربازێ ك ئه‌و ريكخرياگه وه دريژايى ساڵه‌يليگ بنياتى ناگه له‌وه‌خت داگيركردن چه‌ن شاريگ له باكوور و خوه‌رئاواى عراق.
ئه‌و جه‌نراڵ عراقييه له وه‌زاره‌ت وه‌رگرى له به‌غدا ئه‌را ئه‌لعه‌ره‌بى ئه‌لجديد باس له پيشڕه‌وى گه‌ورايگ له جه‌نگ دژ ئه‌و ريكخرياگ تيرۆريستيه كرد وه سه‌رۆكايه‌تى سوپا و تيمه‌يل هه‌گرتن ته‌قه‌مه‌نى و يه‌كه‌يل ئه‌ندازيارى له سوپا له رمانن تونێل و مه‌خزنه‌يل چه‌ك داعش.
جه‌نراڵه عراقيه‌گه هه‌ميش وت: پلان ريكخرياگ داعش له‌گشت شاريگ ئه‌وه بويه ده‌سڵات بگرێده بانى و چه‌ك و ته‌قه‌مه‌نى و مووشه‌ك و زه‌خيره‌و كه‌ره‌سه‌يل گرنگ له‌تى بشارێده‌و له‌ژير زه‌وێ ئه‌را ئه‌وه‌گ جاريگتر بايده‌وه‌و باريده‌يان كار، وه‌لێ له‌سايه‌ێ هاوكاريكردن مه‌ردم ئه‌و شار و ناوچه‌يل ئازادكرياگه ئه‌ندازيارى سه‌ربازێ و تيه‌يل هه‌ڵگرتن ته‌قه‌مه‌نيه‌يل تويه‌نستتن له‌ماوه‌ى شه‌ش مانگ گوزه‌يشت زياتر له 80 شوون و تونێل له‌ژير زه‌وێ بويننه‌و ك زياتر له 12 ته‌ن ته‌قه‌مه‌نى له‌تيان بويه بيجگه كه‌ره‌سه‌يل تر په‌ويه‌ندى.
