جنێڤ.. دانيشتن تایبەت وە یەمەن دوياخريا
2015-05-25T15:48:05+00:00
ئاژانس ئەسۆشیتد پرێس لە زووان وەرپرسێگ رێكخرياێ نەتەوەیل يەكگرتگەو بڵاوێ كردگه‌سەو، ئەو كۆبونەوە بڕیاربوی رووژ په‌نج شەممەی ئاينده سەبارەت وە قەیران یەمەن وەڕێه‌وبچوود، دوياخريا ئه‌ڕا وه‌ختێگ نادیار.
وەرپرسەگەێ نەتەوەیل يەكگرتگ، لە بارەێ هۆكار دوياخستن كۆبونەوەگە هویچ زانیاریيگ ئاشكرانه‌كردگه.
لەلاێگ ترەو، كەناڵ جەزیرە بڵاویه‌وكرد، هۆكار دوياخستن كۆبوونەوەگەێ جنێڤ، ئەوەبويە ك رێكخەره‌یل كۆبونەوەگە، دڵنیا نەوين لە بەشداری كردن گشت لایەنە ناكووكەگان یەمەن.
له‌شوون كۆنترۆڵ كردن دەسەڵات یەمەن لە لایەن حوسیەيلەو، سعودیە و هاوپەیمانە عەرەبەگانێ لە ژێر ناو پشتگیری لە حكومەت دەستوری و یاسایی ئەو وڵاتە، هێرشێگ وەربڵاو كردنه بان ئەو گروپ چەكدارە و تا ئيسه‌يش ئەو ئاڵۆزیە وەردەوامە.
